ചോലത്തടം റൂട്ടിൽ മണ്ണിടിച്ചിൽ

File picture 

പൂഞ്ഞാർ തെക്കേക്കര പഞ്ചായത്തിൽ ഉണ്ടായ ശക്തമായ മഴയെ തുടർന്ന് മീനച്ചിലാറ്റിലെ ജലനിരപ്പ് ഉയർന്നു. മലയിഞ്ചിപ്പാറ ചോലത്തടം റൂട്ടിൽ രണ്ടിടത്ത് മണ്ണിടിഞ്ഞ് ഗതാഗതം ഭാഗികമായി തടസ്സപ്പെട്ടു. ഇരുചക്രവാഹനങ്ങൾ മാത്രമേ കടന്നുപോകൂ. 

പൂഞ്ഞാർ പഞ്ചായത്തിലെ പനച്ചിപ്പാറ പടിക്കമുറ്റം പെരുനിലം റോഡിലെ പഴൂർക്കടവ് നടപ്പാലത്തിൽ വെള്ളം കയറി. വെള്ളിയാഴ്ച മൂന്നു മണി മുതൽ പൂഞ്ഞാർ, പൂഞ്ഞാർ തെക്കേക്കര, തലനാട് പഞ്ചായത്തുകളിൽ ശക്തമായ മഴയാണ് പെയ്തത്. പൂഞ്ഞാർ തെക്കേക്കര പഞ്ചായത്തിലെ പാതാമ്പുഴയിൽ 3.30 മുതൽ ആറു മണിവരെ 124 മില്ലിമീറ്റർ മഴയാണ് രേഖപ്പെടുത്തിയത് തലനാട് പഞ്ചായത്തിലെ മേലടുക്കത്ത് 64 മില്ലിമീറ്റർ മഴയും രേഖപ്പെടുത്തി. 

ഉരുൾപൊട്ടൽ ഭീഷണി ഉള്ളതിനാൽ പൂഞ്ഞാർ തെക്കേക്കര , കൂട്ടിക്കൽ പഞ്ചായത്തുകളിൽ ഉരുൾപൊട്ടൽ മണ്ണിടിച്ചിൽ സാധ്യതയുള്ള പ്രദേശങ്ങളിൽ ഉള്ളവർ സുരക്ഷിതസ്ഥാനങ്ങളിലേക്ക് മാറണമെന്ന് ദുരന്തനിവാരണ അതോറിറ്റി മുന്നറിയിപ്പ് നൽകിയതായി ജില്ലാ പഞ്ചായത്ത് അംഗം ഷോൺ ജോർജ് അറിയിച്ചു

 വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ