ഇല്ലിക്കല് കല്ലിലെത്തിയ വിദ്യാര്ത്ഥികള്ക്ക് ഇടിമിന്നലേറ്റ് പരിക്ക്. കാഞ്ഞിരപ്പള്ളിയില് നിന്നെത്തിയ വിദ്യാര്ത്ഥികള്ക്കാണ് പരിക്കേറ്റത്. ഇവരെ പാലായിലെ സ്വകാര്യ ആശുപത്രിയില് പ്രവേശിപ്പിച്ചു
ഇന്ന് ഉച്ചയ്ക്ക് പന്ത്രണ്ടരയോടെയായിരുന്നു സംഭവം. തെളിഞ്ഞ് കാലാവസ്ഥയില് പൊടുന്നനെയാണ് ഇടിമിന്നലുണ്ടായത്. പ്രദേശത്ത് സ്ഥാപിച്ചിരുന്ന കൈവരികളില് പിടിച്ചുനില്ക്കുകയായിരുന്ന 2 പേര്ക്കാണ് ആഘാതമേറ്റത്. സ്ഥലത്തെ ഡിറ്റിപിസി ജീവനക്കാര് ചേര്ന്ന് ബോധക്ഷയം വന്ന ഇരുവരെയും ഈരാറ്റുപേട്ടയിലെ സ്വകാര്യ ആശുപത്രിയിലെത്തിക്കുകയായിരുന്നു. തുടര്ന്ന് ആംബുലന്സില് പാലായിലെ സ്വകാര്യ ആശുപത്രിയിലേയ്ക്ക് മാറ്റി. പരിക്കേറ്റ പെൺകുട്ടിയുടെ കഴുത്തിലെ മാല കരിഞ്ഞ നിലയിലായിരുന്നു.
നേരത്തെ കഴിഞ്ഞ ദിവസത്തെ കനത്ത മഴ പെയ്ത ദിവസങ്ങളില് ഇവിടേയ്ക്കുള്ള പ്രവേശനം ജില്ലാ കളക്ടര് നിരോധിച്ചിരുന്നു. എന്നാല് ഇന്ന് തെളിഞ്ഞ കാലാവസ്ഥയിലാണ് ഇടിമിന്നലുണ്ടായത്. വര്ഷകാലത്ത് ഇവിടേയ്ക്കു എത്തുന്നത് അപകടകരമാണെന്നാണ് ഇന്നത്തെ സംഭവം തെളിയിക്കുന്നത്.
.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
0 Comments