ഷംഷാബാദ് രൂപതാ മെത്രാൻ മാർ റാഫേൽ തട്ടിൽ സീറോ മലബാർ സഭയുടെ പുതിയ ആർച്ച് ബിഷപ്. സഭയുടെ നാലാമത് മേജർ ആർച്ച് ബിഷപ്പ് ആണ് റാഫേൽ തട്ടിൽ .
1956 ഏപ്രില് 21-നാണ് മാര് റാഫേല് തട്ടിലില് ജനിച്ചത്. തൃശൂര് സെന്റ് മേരീസ് മൈനര് സെമിനാരിയിലും വടവാതൂര് സെന്റ് തോമസ് അപ്പസ്തോലിക് സെമിനാരിയിലുമായി വൈദികപരിശീലനം പൂര്ത്തിയാക്കിയ മാര് റാഫേല് തട്ടില് തൃശ്ശൂര് രൂപതയ്ക്കുവേണ്ടി 1980 ഡിസംബര് 21-ന് പൗരോഹിത്യം സ്വീകരിച്ചു.
അരണാട്ടുകര പള്ളിയില് അസിസ്റ്റന്റ് വികാരിയായും തൃശൂര് മൈനര് സെമിനാരിയില് ഫാദര് പ്രീഫെക്ട്, വൈസ് റെക്ടര്, പ്രെക്കുരേറ്റര് എന്നീ നിലകളിലും കൂനംമുച്ചി, ചേരുംകുഴി പള്ളികളില് ആക്ടിംഗ് വികാരിയായും സേവനം ചെയ്തിട്ടുണ്ട്. റോമിലെ പൊന്തിഫിക്കല് ഓറിയന്റല് ഇന്സ്റ്റിട്യൂട്ടില് നിന്ന് കാനന് നിയമത്തില് ഡോക്ടറേറ്റ് നേടിയ ശേഷം രൂപതാ വൈസ് ചാന്സലര്, ചാന്സലര്, സിന്ചെല്ലൂസ് എന്നീ പദവികള് വഹിച്ചു. രൂപതാ കച്ചേരിയില് നോട്ടറിയും ജഡ്ജിയും അഡ്ജുറ്റന്റ് വികാരിയുമായിരുന്നു.
2010-ല് തൃശ്ശൂര് അതിരൂപതാ സഹായമെത്രാനായി നിയമിക്കപ്പെട്ടു. 2014 മുതൽ ഇന്ത്യയിൽ സീറോ മലബാർ സഭയുടെ അധികാരപരിധിക്ക് പുറത്ത് നൂറോളം മിഷൻ കേന്ദ്രങ്ങളിലായി താമസിക്കുന്ന രണ്ടു ലക്ഷത്തോളം പ്രവാസികളുടെ ചുമതലയുള്ള അപ്പസ്തോലിക് വിസിറ്റേറ്ററായി സേവനം ചെയ്യുമ്പോഴാണ് ഷംഷാബാദ് രൂപത മെത്രാനായി ചുമതല ഏൽക്കുന്നത്
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
.jpg)
0 Comments