കൊച്ചിയിലെ പത്തുവയസുകാരി വൈഗയെ കൊലപ്പെടുത്തിയ കേസില് അച്ഛന് സനുമോഹന് കുറ്റക്കാരനെന്ന് കോടതി. പ്രതിക്കെതിരെ ചുമത്തിയ എല്ലാ കുറ്റവും തെളിഞ്ഞു. 78 സാക്ഷികളെ വിസ്തരിച്ച ശേഷമാണ് വിധി പറഞ്ഞത്. പ്രോസിക്യൂഷന് വാദങ്ങളെല്ലാം കോടതി ശരിവെച്ചു. അപൂര്വ്വത്തില് അപൂര്വ്വമായ കുറ്റകൃത്യമാണെന്നും വധശിക്ഷ നല്കണമെന്നും പ്രോസിക്യൂഷന് ആവശ്യപ്പെട്ടു. ശിക്ഷ ഉച്ചക്ക് 2.30ന് പ്രഖ്യാപിക്കും. കുട്ടികള്ക്കുമെതിരായ കുറ്റകൃത്യങ്ങള് പരിഗണിക്കുന്ന എറണാകുളത്തെ പ്രത്യേക കോടതിയാണ് വിധി പറഞ്ഞത്.
ധൂര്ത്തുകൊണ്ടുവരുത്തിവച്ച കടബാധ്യതയില് നിന്ന് രക്ഷപ്പെട്ട് നാടുവിടാന് തീരുമാനിച്ച സനുമോഹന്, മകള് മറ്റുള്ളവരാല് അവഗണിക്കപ്പെടുമെന്ന വിഷമത്തില് വൈഗയെ കൊല്ലുകയായിരുന്നുവെന്നാണ് മൊഴി നല്കിയത്. പ്രതിയെ പിടിച്ച ശേഷം തെളിവ് ശേഖരണവും കുറ്റപത്രം സമര്പ്പിക്കലും വേഗത്തിലായി. ഒരു വര്ഷത്തോളം കേസിന്റെ വിചാരണ നീണ്ടു. 2021 മാര്ച്ച് 21നാണ് പത്തുവയസുപ്രായമുളള മകളെ മദ്യം നല്കി ശ്വാസംമുട്ടിച്ച് ബോധരഹിതയാക്കിയ ശേഷം അച്ഛന് പുഴയിലെറിഞ്ഞു കൊന്നത്.
പിന്നീട് കടന്നുകളഞ്ഞ പ്രതിയെ ഒരു മാസത്തിന് ശേഷമാണ് കോയമ്പത്തൂരില് നിന്നും പിടികൂടിയത്. കൊലപാതകത്തിന് പിന്നാലെ സംസ്ഥാനം വിട്ട സനുമോഹന് കോയമ്പത്തൂരിലേക്കാണ് ആദ്യം പോയത്. കുഞ്ഞിന്റെ ശരീരത്തില് ധരിച്ചിരുന്ന ആഭരണം കൈക്കലാക്കിയായിരുന്നു യാത്ര. അത് വിറ്റ് കിട്ടുന്ന പണംകൊണ്ട് വിദേശത്തേക്ക് കടക്കുകയായിരുന്നു ലക്ഷ്യം. ബെംഗളൂരു, മുംബൈ, ഗോവ, മുരുഡേശ്വര്, മൂകാംബിക തുടങ്ങിയ സ്ഥലങ്ങളില് മുങ്ങി നടന്ന സനുമോഹനെ ഒരു മാസത്തോളമെടുത്താണ് അന്വേഷണ സംഘം പിടികൂടിയത്.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
.jpg)
0 Comments