തമിഴ് നടനും ഡിഎംഡികെ സ്ഥാപകനുമായ വിജയകാന്ത് (71) അന്തരിച്ചു. കൊവിഡ് ബാധിതനായി ചെന്നൈയിലെ സ്വകാര്യ ആശുപത്രിയില് ചികിത്സയിലിരിക്കെയാണ് മരണം. വെന്റിലേറ്ററില് പ്രവേശിപ്പിച്ചിരിക്കുകയായിരുന്നു. ചൊവ്വാഴ്ചയാണ് വിജയകാന്തിനെ ആരോഗ്യ പരിശോധനയ്ക്കായി ആശുപത്രിയില് പ്രവേശിപ്പിച്ചത്. അനാരോഗ്യം മൂലം ഏറെക്കാലമായി സജീവ രാഷ്ട്രീയത്തില് നിന്ന് അകന്നു നില്ക്കുകയായിരുന്നു.
1952 ഓഗസ്റ്റ് 25 ന് മധുരയിലാണ് വിജയകാന്തിന്റെ ജനനം. വിജയരാജ് അളഗര്സ്വാമി എന്നാണ് ഔദ്യോഗിക നാമം. ഇനിക്കും ഇളമൈ എന്ന സിനിമയില് വില്ലനായി വേഷമിട്ട അദ്ദേഹം സട്ടം ഒരു ഇരുട്ടറൈ എന്ന സിനിമയിലൂടെ നായകനായി. ഒടുവില് ക്യാപ്റ്റന് എന്ന പേരിലും വിജയകാന്ത് സിനിമാ ലോകത്ത് അറിയപ്പട്ടു. വല്ലരശ്, ത്യാഗം, പേരരശ്, വിശ്വനാഥന് രാമമൂര്ത്തി, ഹോണസ്റ്റ് രാജ്, തമിഴ് സെല്വന്, സിമ്മസനം, രാജ്യം, ദേവന്, രാമണ, തെന്നവന്, സുദേശി,ധര്മപുരി, ശബരി, അരശങ്കം, എങ്കള് അണ്ണ തുടങ്ങി ശ്രദ്ധേയ വേഷങ്ങള് ചെയ്തു.
എണ്പതുകളിലും തൊണ്ണൂറുകളിലും തമിഴ് സിനിമയില് സൂപ്പര്താര പദവി കൈയാളി. ക്യാപ്റ്റന് എന്നാണ് ആരാധകര് അദ്ദേഹത്തെ സംബോധന ചെയ്തത്. ഡിഎംഡികെ എന്ന രാഷ്ട്രീയ പാര്ട്ടിയുടെ സ്ഥാപക നേതാവായ അദ്ദേഹം രണ്ട് തവണ തമിഴ്നാട് നിയമസഭാംഗമായിരുന്നു. തമിഴ്നാട് നിയമസഭയില് പ്രതിപക്ഷ നേതാവുമായിരുന്നു. 2006ലെ നിയമസഭാ തെരഞ്ഞെടുപ്പില് മത്സരിച്ചെങ്കിലും പാര്ട്ടിക്ക് ഒരു സീറ്റേ നേടാനായുള്ളൂ. 2011ല് ഡിഎംകെയുമായി സംഖ്യം ചേര്ന്നാണ് താരം തെരഞ്ഞെടുപ്പിനെ നേരിട്ടത
ശ്വസനസംബന്ധമായ ബുദ്ധിമുട്ടുകളെ തുടര്ന്ന് ഇക്കഴിഞ്ഞ നവംബര് 20 ന് വിജയകാന്തിനെ ആശുപത്രിയില് പ്രവേശിപ്പിച്ചിരുന്നു. ഡിസംബര് രണ്ടാം വാരമാണ് അദ്ദേഹം ആശുപത്രിയില് നിന്ന് തിരിച്ചെത്തിയത്. അദ്ദേഹം ആരോഗ്യവാനാണെന്നും പരിശോധനകള്ക്ക് ശേഷം വീട്ടില് തിരിച്ചെത്തുമെന്നുമാണ് പാര്ട്ടി അറിയിച്ചിരുന്നത്. ഭാര്യ പ്രേമലത. മക്കള് ഷണ്മുഖ പാണ്ഡ്യന്, വിജയപ്രഭാകരന്.
വാട്സ്ആപ് ചാനലില് അംഗമാകാന് ഇവിടെ ക്ലിക് ചെയ്യൂ
.jpg)
0 Comments