പാതാമ്പുഴയിൽ പ്ലാത്തോട്ടം ജാക്ക് ഹെരിറ്റേജിൽ വച്ച് പൂഞ്ഞാർ ടൂറിസം പെർസ്പെക്ടീവിലെ മൂന്നാമത് സന്തുഷ്ടിയുടെ സംഗമം സംഘടിപ്പിച്ചു. പ്രമുഖ അഭിഭാഷകനും പരിസ്ഥിതി സാമൂഹിക പ്രവർത്തകനുമായ അഡ്വ. ഹരീഷ് വാസുദേവൻ പരിപാടി ഉത്ഘാടനം ചെയ്തു. മര്യാദകളുടെ ടൂറിസം എന്നതിലൂടെ ഗ്രാമീണ വിനോദസഞ്ചാരത്തിന്റെ ആകർഷകവും അർത്ഥവത്തുമായ പ്രയോഗമാണ് ഭൂമിക നടപ്പാക്കുന്നത് എന്ന് ഹരീഷ് വാസുദേവൻ പറഞ്ഞു.
പാരസ്പര്യവും സമഭാവനയും നിസ്വാർത്ഥതയും പുരോഗതിയും അനുഭവവേദ്യമാകുന്ന സന്തുഷ്ടിയുടെ പരിസരങ്ങളെ സൃഷ്ടിക്കുകയാണ് ഇത്തരം പ്രവർത്തനങ്ങൾ വഴി ചെയ്യുന്നത്. ഭൂമിക പ്രസിഡന്റ് കെ. ഇ. ക്ലമന്റ് അദ്ധ്യക്ഷത വഹിച്ചു. ഡി.റ്റി.പി.സി. കോട്ടയം മുൻ സെക്രട്ടറി തോമസ് പാട്രിക്, എബി ഇമ്മാനുവൽ, തോംസൺ കുന്നേൽ, ജിന്റോ സെബാസ്റ്റ്യൻ, കെ.ഒ. ജോസഫ്, ജ്വാലിനി എന്നിവർ പ്രസംഗിച്ചു.
അഡ്വ.ബിനോയി ജോസ്, ഡോ. റോയി തോമസ് നൈഷ് മാത്യു, മനു മാനുവൽ, ബിജു ഇമ്മാനുവൽ, അരുൺ ജാൻസ്, എ.ഡി.ജോസഫ്, ജെയിംസ് സെബാസ്റ്റ്യൻ എന്നിവർ നേതൃത്വം നൽകി.
വാട്‌സ്ആപ് ചാനലില്‍ അംഗമാകാന്‍ ഇവിടെ ക്ലിക് ചെയ്യൂ
0 Comments