വെള്ളികുളം ഹൈസ്കൂളിൽ ഓണാഘോഷ പരിപാടികൾ

വെള്ളികുളം സെൻ്റ് ആൻ്റണീസ് ഹൈസ്കൂളിൽ ഓണാഘോഷ പരിപാടികൾ സമുചിതമായി നടത്തപ്പെട്ടു. അത്തപ്പൂക്കളം, ചാക്കിലോട്ടം, റൊട്ടി കടി, മാവേലി മന്നൻ, മലയാളി മങ്ക, വടംവലി തുടങ്ങിയ മത്സരങ്ങളിൽ കുട്ടികൾ ആവേശത്തോടെ പങ്കു ചേർന്നു.

.പി.റ്റി.എ.യുടെ ആഭിമുഖ്യത്തിൽ തയ്യാറാക്കിയ ഓണസദ്യക്കു ശേഷം കുട്ടികൾ ഒറ്റയീട്ടി ജംഗ്ഷനിലേയ്ക്ക് നടത്തിയ ഓണ വിളംബര സാംസ്കാരിക ഘോഷയാത്ര ജനശ്രദ്ധയാകർഷിച്ചു.

.വ്യാപാരി വ്യവസായി ഏകോപന സമിതിയുടെ നേതൃത്വത്തിൽ കുട്ടികൾക്ക് ശീതളപാനീയങ്ങളും മധുര പലഹാരങ്ങളും വിതരണം ചെയ്തു.

.സാംസ്കാരിക ഘോഷയാത്രയ്ക്കു ശേഷം സ്കൂളിൽ തിരിച്ചെത്തിയ കുട്ടികൾക്ക് സമ്മാനങ്ങൾ വിതരണം ചെയ്യുകയും ഓണപ്പായസം നൽകുകയും ചെയ്തു.

.പരിപാടികൾക്ക് സ്കൂൾ മാനേജർ, റവ.ഫാ.മൈക്കിൾ വടക്കേകര, ഹെഡ്മാസ്റ്റർ ജോ സെബാസ്റ്റ്യൻ, പി.റ്റി.എ. പ്രസിഡൻ്റ് ഡയസ് എം.ജെ, ജനപ്രതിനിധികളായ ശ്രീ.ബിനോയി ജോസഫ്, ശ്രീ.രതീഷ് പി.എസ്, തുടങ്ങിയവർ നേതൃത്വം നല്കി.