സംസ്ഥാനത്ത് റേഷന് കടകള് മുഖേനയുള്ള ഓണക്കിറ്റ് വിതരണം വീണ്ടും തടസ്സപ്പെട്ടു. ഇ - പോസ് സെര്വര് തകരാറിനെ തുടര്ന്നാണ് കിറ്റ് വിതരണം തടസ്സപ്പെട്ടത്. പിങ്ക് കാര്ഡുടമകള്ക്കാണ് ഇന്ന് ഓണക്കിറ്റ് വിതരണം ചെയ്യുന്നത്. തുടങ്ങിയ ദിവസവും ഇ-പോസ് മെഷീന് തകരാര് കിറ്റ് വിതരണത്തെ ബാധിച്ചിരുന്നു.
.അതേസമയം ചില സാങ്കേതിക തകറാറുകള് ഉള്ളതായി ശ്രദ്ധയില്പ്പെട്ടിട്ടുണ്ടെന്ന് ഭക്ഷ്യ-സിവില് സപ്ലൈസ് മന്ത്രി ജി.ആര്.അനില് പറഞ്ഞു. അത് ഉടന് പരിഹരിക്കും. കിറ്റ് വിതരണം ഒരിടത്തും തടസ്സപ്പെട്ടിട്ടില്ലെന്നും മന്ത്രി വ്യക്തമാക്കി. കുറേനാളുകളായി ഇ-പോസ് മെഷീനുകളുടെ തകരാര് പൊതുവിതരണ സമ്പ്രദായത്തെ പ്രതികൂലമായി ബാധിക്കുന്നുവെന്ന പരാതിയുണ്ട്.
.ആദ്യ ഘട്ടത്തില് അവരവരുടെ റേഷന് കടകളില് നിന്ന് മാത്രമേ കിറ്റ് വാങ്ങാന് അനുവാദം ഉണ്ടാകൂ. പോര്ട്ടബിലിറ്റി സൗകര്യം ഉണ്ടാവില്ല. സെപ്തബര് 4, 5, 6, 7 തീയതികളില് ഏത് റേഷന് കടകളില് നിന്നും കിറ്റ് വാങ്ങാന് അവസരം ഉണ്ടാകും. അടുത്ത മാസം നാലിന് റേഷന് കടകള് തുറന്നു പ്രവര്ത്തിക്കും. ഇതിന് പകരം സെപ്തംബര് 16ന് റേഷകന് കടകള്ക്ക് അവധിയായിരിക്കുമെന്നും മന്ത്രി അറിയിച്ചു.
.കിറ്റിലുള്ളത്...
കശുവണ്ടിപ്പരിപ്പ് 50 ഗ്രാം
മില്മ നെയ് 50 മി.ലി
ശബരി മുളക്പൊടി 100 ഗ്രാം
ശബരി മഞ്ഞള്പ്പൊടി 100 ഗ്രാം
ഏലയ്ക്ക 20 ഗ്രാം
ശബരി വെളിച്ചെണ്ണ 500 മി.ലി
ശബരി തേയില 100 ഗ്രാം
ശര്ക്കരവരട്ടി 100 ഗ്രാം
ഉണക്കലരി 500 ഗ്രാം
പഞ്ചസാര ഒരു കിലോഗ്രാം
ചെറുപയര് 500 ഗ്രാം
തുവരപ്പരിപ്പ് 250 ഗ്രാം
പൊടി ഉപ്പ് 1 ഒരു കിലോ ഗ്രാം
തുണിസഞ്ചി
0 Comments